Есмагамбетова  Адиша Конекбаевна

1947 жылы 7 ақпанда Нурин ауданы, Киевка поселкесінде дүниеге келген. Киевка №2 орта мектебін бітіргеннен кейін 1966–1968 жылдары неміс тілі пәнінің мұғалімі және пионервожатая болып жұмыс істеген.

1968–1972 жылдары Қарағанды педагогикалық институтында білім алған. 1972–1973 жылдары Майоровка кентіндегі Киров орта мектебінде орыс тілі мен әдебиеті мұғалімі және тәрбие ісі ұйымдастырушысы болып жұмыс істеген. 1973–1976 жылдары Шахтер ауылындағы орта мектепте оқу-тәрбие ісі бойынша директордың орынбасары.

1976 жылы Нурин ауданы, Ивановка орта мектебінің директоры болып тағайындалып, 1979 жылға дейін жұмыс істеген. 1979–1983 жылдары – Нурин ауданы білім бөлімінің меңгерушісі. 1983–1996 жылдары – Киевка №1 орта мектебінің директоры. 1996–2006 жылдары – Нурин ауданы әкімінің әлеуметтік мәселелер бойынша орынбасары.

2000 жылы Қарағанды облысының делегациясы құрамында ҚР Президенті Н.А. Назарбаевпен кездесіп, алғыс хатпен марапатталған. 2006–2012 жылдары – Нурин ауданы мәдениет және тілдерді дамыту бөліміне қарасты өлкетану секторының меңгерушісі. 2012–2017 жылдары – Нурин ауданы тарихи-өлкетану музейінің директоры.

Адиша Конекбаевна «Еңбек даңқы» белгісімен, ҚР тәуелсіздігінің 10, 20, 25 жылдығы және Конституцияның 10 жылдығына арналған медальдармен марапатталған. 2020 жылы «Нурин ауданының Құрметті азаматы» атағы берілген. Сондай-ақ ҚР Білім және ғылым министрлігінің «Құрметті педагог», «Еңбек сіңірген мемлекеттік қызметкері» наградаларымен және облыс пен аудан әкімдерінің көптеген Құрмет грамоталарымен марапатталған.