Конурбаев Сеилхан Оспанбаевич

1948 жылы Нурин ауданының Жараспай ауылында дүниеге келген. 1982 жылы Целиноград ауыл шаруашылығы институтын «Агрономия» мамандығы бойынша бітірген.

Еңбек жолын 1967 жылы «17 жыл Октября» совхозында механизатор болып бастаған. 1978 жылдан 1988 жылға дейін агроном, бөлім меңгерушісі, бас агроном ретінде қызмет атқарған. 1988 жылғы қазанда «17 жыл Октября» совхозының бастапқы партия ұйымының хатшысы болып сайланған. 1989 жылдан 1999 жылға дейін «17 жыл Октября» совхозының директоры, «Жараспай» АҚ президенті болып жұмыс істеген. 1999 жылдан бастап «Жараспай» ауыл шаруашылығы бірлестігі директоры болып қызмет атқарған.

Еңбек жолындағы адал еңбегі үшін Конурбаев С.О. мына марапаттарға ие болды: 2001 жыл – «Қазақстан Республикасының Тәуелсіздігіне 10 жыл» медалі, 2005 жыл – «Қазақстан Конституциясына 10 жыл» медалі, 2006 жыл – «Қазақстан Республикасының Парламентіне 10 жыл» медалі, 2011 жыл – «Құрмет» ордені, сондай-ақ Құрмет грамоталары мен алғыс хаттар.

2015 жылы оған Нурин ауданының Құрметті азаматы атағы берілген.