Дудкин Николай Федорович
 Дудкин Николай Федорович 1923 жылғы 1 мамырда Қазақстан
 Республикасы, Қарағанды облысы, Нұра ауданы, Черниговка
 ауылында дүниеге келген. Сержант.
 1942 жылғы 2 қаңтарда Қарағанды облысы, Нұра аудандық
 əскери комиссариаты арқылы əскерге шақырылған.
 1942 жылғы қаңтардан маусымға дейін Сталинград бағытында
 114ші жеке миномет батальонында миномет бөлімшесінің
 командирі болып соғысқан. 1942 жылғы маусымнан
 желтоқсанға дейін 114ші жеке танк батальонында
 механик–жүргізуші қызметін атқарған.
1942 жылғы желтоқсаннан 1943 жылғы шілдеге дейін 464ші атқыштар полкінде
артиллериялық қару командирі болған. 1943 жылғы шілдеден 1944 жылғы ақпанға
дейін эвакогоспитальда емделген, содан кейін 77ші əскери жол бригадасында
бөлімше командирі болып соғысқан.
1945 жылғы 12 желтоқсанда запасқа шығарылған.
Марапаттары: Отан соғысы ордені, «Германияны жеңгені үшін», «Сталинградты азат
еткені үшін» медальдар.
2010 жылдан бастап Нұра ауданының Құрметті азаматы.
Қайтыс болды.